bas ek sans liya khul ke laKHt-laKHt hua
bas ek saañs liyā khul ke laḳht-laḳht huā
ki zindagī na huī kāñch kā daraḳht huā
bahut zahīn bhī honā vabāl-e-jāñ hai yahāñ
hamāre saath har ik imtihān saḳht huā
jahāñ pe mujh ko halīmī se kaam lenā thā
usī maqām pe lahja mirā karaḳht huā
na maiñ kisī ke liye zād-e-vasl ban paayā
na hijratoñ meñ mirā koī sāz-e-raḳht huā
'talab' havāoñ ke siine pe saañp loT gayā
phir ek nanhā sā paudā ghanā daraḳht huā
bas ek sans liya khul ke laKHt-laKHt hua
ki zindagi na hui kanch ka daraKHt hua
bahut zahin bhi hona wabaal-e-jaan hai yahan
hamare sath har ek imtihan saKHt hua
jahan pe mujh ko halimi se kaam lena tha
usi maqam pe lahja mera karaKHt hua
na main kisi ke liye zad-e-wasl ban paya
na hijraton mein mera koi saz-e-raKHt hua
'talab' hawaon ke sine pe sanp loT gaya
phir ek nanha sa pauda ghana daraKHt hua
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
