بس ایک ان کے ہی آنے کا انتظار ہوا

بس ایک ان کے ہی آنے کا انتظار ہوا

پھر اس کے بعد کسی سے ہمیں نہ پیار ہوا

تمہاری یادوں کا غم دل کے آر پار ہوا

تھا بے قرار یہ دل اور بے قرار ہوا

وہ مجھ کو چھوڑ گئے دوسروں کے کہنے پر

چلو کسی کی تو باتوں پہ اعتبار ہوا

تمام عمر یہی بات اب ستائے گی

وہ پیار سے نہ ملے یا مجھے نہ پیار ہوا

کسی کی جان گئی کوئی بن گیا قیدی

کوئی نظر کا کوئی زلف کا شکار ہوا

ہے بات کچھ تو تری بات میں بھی اے شارقؔ

جو ان کی بزم میں تیرا بھی انتظار ہوا