bas ek kirdar ban kar zindagi humne guzari hai

bas ik kirdār ban kar zindagī ham ne guzārī hai

hamārī hī kahānī meñ kahāñ marzī hamārī hai

ḳhudā jaane hai bholā-pan ki us kī inkisārī hai

vo kahtā hai kī ab dil toḌne kī us kī baarī hai

satā.ish kī tamannā ne kiyā muhtāj duniyā par

ki daulat hai magar phir bhī vo jaise ik bhikārī hai

mirī duniyā hai ḳhvāboñ kī mohabbat kī 'ibādat kī

ki in bātoñ se tum ko kyā alag duniyā tumhārī hai

vo mere to nahīñ lekin yaqīnan maiñ unhīñ kī huuñ

so baazī 'ishq kī maiñ ne na jiitī hai na haarī hai

tamāshā dekhnā ġham ko baḌhānā phir chale jaanā

ye kaisī dostī hai aur kaisī ġham-gusārī hai

‘ayādat kā dikhāvā ḳhuub hai lekin yahī sach hai

mire jiine na marne meñ kahīñ shirkat tumhārī hai

bas ek kirdar ban kar zindagi hum ne guzari hai

hamari hi kahani mein kahan marzi hamari hai

KHuda jaane hai bhola-pan ki us ki inkisari hai

wo kahta hai ki ab dil toDne ki us ki bari hai

sataish ki tamanna ne kiya muhtaj duniya par

ki daulat hai magar phir bhi wo jaise ek bhikari hai

meri duniya hai KHwabon ki mohabbat ki 'ibaadat ki

ki in baaton se tum ko kya alag duniya tumhaari hai

wo mere to nahin lekin yaqinan main unhin ki hun

so bazi 'ishq ki main ne na jiti hai na haari hai

tamasha dekhna gham ko baDhana phir chale jaana

ye kaisi dosti hai aur kaisi gham-gusari hai

‘ayaadat ka dikhawa KHub hai lekin yahi sach hai

mere jine na marne mein kahin shirkat tumhaari hai