bas isi fikr mein guzri sahar-o-sham tamam

bas isī fikr meñ guzrī sahar-o-shām tamām

ho na jaa.e dil-e-nā-kām tirā kaam tamām

lab pe aate hī badal jaate haiñ phir rang-o-ras

apsarā huur kalī phuul tire naam tamām

zaḳhm betāb haiñ phir aaj hare hone ko

mere paimāne meñ hai gardish-e-ayyām tamām

mujh ko Dar hai ki kahīñ maġhribī but-ḳhāne meñ

jhuk na jaa.e nigah-e-ālam-e-islām tamām

tū ne kis kis ko ye dīvāna banā rakkhā hai

tere kūche meñ dikhe shahr ke badnām tamām

ik tire naam ko palkoñ pe biThāne ke sabab

merī nazroñ se gire haiñ tire hamnām tamām

dekh tūfān-e-gul-afshāñ kī fazā dekh 'zuhaib'

jis kī aamad se khule haiñ lab-e-gulfām tamām

bas isi fikr mein guzri sahar-o-sham tamam

ho na jae dil-e-na-kaam tera kaam tamam

lab pe aate hi badal jate hain phir rang-o-ras

apsara hur kali phul tere nam tamam

zaKHm betab hain phir aaj hare hone ko

mere paimane mein hai gardish-e-ayyam tamam

mujh ko Dar hai ki kahin maghribi but-KHane mein

jhuk na jae nigah-e-alam-e-islam tamam

tu ne kis kis ko ye diwana bana rakkha hai

tere kuche mein dikhe shahr ke badnam tamam

ek tere nam ko palkon pe biThane ke sabab

meri nazron se gire hain tere hamnam tamam

dekh tufan-e-gul-afshan ki faza dekh 'zuhaib'

jis ki aamad se khule hain lab-e-gulfam tamam