بسکہ خوش رنگ نگاہوں کو اٹھا شعر سنا

بسکہ خوش رنگ نگاہوں کو اٹھا شعر سنا

آ مرے مطرب شب رقص میں آ شعر سنا

اے کہ ترتیب و تعین میں چھپی باد شمال

اے خنک شام کی مانوس ہوا شعر سنا

ہے یہ تشریح طلب رنگ چمن بوئے چمن

شہر زاد آج کسی باغ میں آ شعر سنا

ہائے اس جسم میں چڑھتا ہوا خواب آور عشق

ہے رگ و پے میں مچلتا سا نشہ شعر سنا

اف وہ یخ بستہ سرابوں میں حرارت کا فریب

اے فسوں لمس ذرا برف ہٹا شعر سنا

میں کہ اس جھیل کنارے پہ بھٹکتی ہوئی رات

تو سحر خیز نگہ ہوش ربا شعر سنا