bas mujhe wo shaKHs hi achchha lage

bas mujhe vo shaḳhs hī achchhā lage

jhuuT bhī bole to vo sachchā lage

maiñ basī huuñ us kī har ik saañs meñ

bichhḌī to mar jā.egā aisā lage

maiñ kahīñ huuñ vo kahīñ ham ek haiñ

har jagah bas vo mujhe merā lage

maazī kī chaukhaT pe dastak dil kī hai

yaad us kī ik adā-e-pā lage

kaun sā ilzām na mujh par lagā

aa.ina dekhe vo kab achchhā lage

maiñ kisī se kab bhalā nafrat karūñ

har koī allāh kā banda lage

'fātima' mausam kī rut hai ye vafā

bevafā aksar mujhe achchhā lage

bas mujhe wo shaKHs hi achchha lage

jhuT bhi bole to wo sachcha lage

main basi hun us ki har ek sans mein

bichhDi to mar jaega aisa lage

main kahin hun wo kahin hum ek hain

har jagah bas wo mujhe mera lage

mazi ki chaukhaT pe dastak dil ki hai

yaad us ki ek ada-e-pa lage

kaun sa ilzam na mujh par laga

aaina dekhe wo kab achchha lage

main kisi se kab bhala nafrat karun

har koi allah ka banda lage

'fatima' mausam ki rut hai ye wafa

bewafa aksar mujhe achchha lage