bas tere panw ki kami tha main

bas tire paañv kī kamī thā maiñ

jaane kis shahr kī galī thā maiñ

mere uupar thiiñ sab kī āñkheñ aur

sab kī āñkhoñ meñ ajnabī thā maiñ

ik ta'alluq thā us parī-vash se

aañkh us kī thī raushnī thā maiñ

din Dhale log rone aate the

dukh kī bastī meñ ik nadī thā maiñ

mar rahā huuñ to yaad aatā hai

jaane kitnoñ kī zindagī thā maiñ

vo to mar kar khulā ki tum bhī ho

zindagī meñ to bas maiñ hī thā maiñ

jo na guzre vo ek pal thī tum

jo guzar jaa.e vo ghaḌī thā maiñ

ghar bhī sar par uThā.e phirtā thā

kitnā ma.asūm hijratī thā maiñ

bas tere panw ki kami tha main

jaane kis shahr ki gali tha main

mere upar thin sab ki aankhen aur

sab ki aankhon mein ajnabi tha main

ek ta'alluq tha us pari-wash se

aankh us ki thi raushni tha main

din Dhale log rone aate the

dukh ki basti mein ek nadi tha main

mar raha hun to yaad aata hai

jaane kitnon ki zindagi tha main

wo to mar kar khula ki tum bhi ho

zindagi mein to bas main hi tha main

jo na guzre wo ek pal thi tum

jo guzar jae wo ghaDi tha main

ghar bhi sar par uThae phirta tha

kitna masum hijrati tha main