bashar ki zat mein shar ke siwa kuchh aur nahin

bashar kī zaat meñ shar ke sivā kuchh aur nahīñ

ye baat naqs-e-nazar ke sivā kuchh aur nahīñ

hayāt kī shab-e-tārīk ḳhatm hotī hai

qazā tulū-e-sahar ke sivā kuchh aur nahīñ

jo dekhiye to kaf-e-gul-farosh bhī hai hayāt

ġhalat ki dāman-e-tar ke sivā kuchh aur nahīñ

guzar ke had se har ik shai bar-aks hotī hai

kamāl-e-aib-e-hunar ke sivā kuchh aur nahīñ

ye rañg jo nazar aatā hai chehra-e-gul par

hamāre ḳhūn-e-jigar ke sivā kuchh aur nahīñ

bashar hai jauhar-e-kirdār se garāñ-māya

guhar meñ āb-e-guhar ke sivā kuchh aur nahīñ

nazar-fareb nazāre jahāñ ke ai 'fāzil'

fareb-e-husn-e-nazar ke sivā kuchh aur nahīñ

bashar ki zat mein shar ke siwa kuchh aur nahin

ye baat naqs-e-nazar ke siwa kuchh aur nahin

hayat ki shab-e-tarik KHatm hoti hai

qaza tulu-e-sahar ke siwa kuchh aur nahin

jo dekhiye to kaf-e-gul-farosh bhi hai hayat

ghalat ki daman-e-tar ke siwa kuchh aur nahin

guzar ke had se har ek shai bar-aks hoti hai

kamal-e-aib-e-hunar ke siwa kuchh aur nahin

ye rang jo nazar aata hai chehra-e-gul par

hamare KHun-e-jigar ke siwa kuchh aur nahin

bashar hai jauhar-e-kirdar se garan-maya

guhar mein aab-e-guhar ke siwa kuchh aur nahin

nazar-fareb nazare jahan ke ai 'fazil'

fareb-e-husn-e-nazar ke siwa kuchh aur nahin