بسنے کی آرزو لیے تو دل میں میرے آ

بسنے کی آرزو لیے تو دل میں میرے آ

آ اے خیال یار یوں ہی دھیرے دھیرے آ

روشن ہیں چاند تارے ہے تنہا حسین رات

شب کے فسوں میں گم ہوں تو یوں کر سویرے آ

چشمہ لگائے پھرتا ہوں سورج کے شہر میں

کچھ ریشمی اندھیرے دے زلفیں بکھیرے آ

راتیں مری سنوار ہے اک تیرا انتظار

اے یاد یار میں ہوا قربان تیرے آ

جسموں کے فاصلے ہیں تضاد تعلقات

کب سے ہیں منتظر مری بانہوں کے گھیرے آ

کوئی نوید صبح تو آئے گی اے نویدؔ

دم توڑنے لگے ہیں ستم کے اندھیرے آ