bason par tabassum to aankhon mein pani

basoñ par tabassum to āñkhoñ meñ paanī

yahī hai yahī dil-jaloñ kī nishānī

tirī be-ruḳhī aur tirī mehrbānī

yahī maut hai aur yahī zindagānī

vahī ik fasāna vahī ik kahānī

javānī javānī javānī javānī

na ab vo masarrat na vo shādmānī

dareġhā javānī dareġhā javānī

mohabbat hī hai asl meñ jāvedānī

buḌhāpā bhī faanī javānī bhī faanī

atā kar mujhe vo maqām-e-mohabbat

kare husn ḳhud ishq kī pāsbānī

batā.ūñ hai kyā āñsuoñ kī haqīqat

jo samjho to sab kuchh na samjho to paanī

zamīñ se ta.alluq na rishta falak se

musībat hai goyā buland āshyiānī

'sahar' is jahān-e-bahār-e-ḳhizāñ meñ

ḳhushī dā.imī hai na ġham jāvedānī

bason par tabassum to aankhon mein pani

yahi hai yahi dil-jalon ki nishani

teri be-ruKHi aur teri mehrbani

yahi maut hai aur yahi zindagani

wahi ek fasana wahi ek kahani

jawani jawani jawani jawani

na ab wo masarrat na wo shadmani

daregha jawani daregha jawani

mohabbat hi hai asl mein jawedani

buDhapa bhi fani jawani bhi fani

ata kar mujhe wo maqam-e-mohabbat

kare husn KHud ishq ki pasbani

bataun hai kya aansuon ki haqiqat

jo samjho to sab kuchh na samjho to pani

zamin se talluq na rishta falak se

musibat hai goya buland aashyiani

'sahar' is jahan-e-bahaar-e-KHizan mein

KHushi daimi hai na gham jawedani