bastiyan kaise na mamnun hon diwanon ki

bastiyāñ kaise na mamnūn hoñ dīvānoñ kī

vus.ateñ in meñ vahī laa.e haiñ vīrānoñ kī

kal gine jā.eñge zumre meñ sitam-rānoñ ke

ḳhair māñgeñge agar aaj sitam-rānoñ kī

ḳhvāb bātil bhī to hote haiñ tan-āsānoñ ke

sa.ī-e-mashkūr bhī hotī hai girāñ-jānoñ kī

zaḳhm shākī haiñ azal se namak-afshānoñ ke

baat rakkhī ga.ī har daur meñ paikānoñ kī

vo binā saaz bhī hote haiñ gulistānoñ ke

ḳhaak jo chhānte phirte haiñ bayābānoñ kī

TukḌe jo ginte haiñ TuuTe hue paimānoñ ke

jaan ban jaate haiñ āḳhir vahī mai-ḳhānoñ kī

tevar aate haiñ haqīqat meñ bhī afsānoñ ke

kuchh haqīqat bhī huā kartī hai afsānoñ kī

ho bhī jaate haiñ rafū chāk-girebānoñ ke

tañg bhī hotī hai pahnā.iyāñ dāmānoñ kī

ibrat-ābād bhī dil hote haiñ insānoñ ke

daad miltī bhī nahīñ ḳhūñ-shudā armānoñ kī

zarre zindān-e-malāmat bhī haiñ vīrānoñ ke

dar banā kartī haiñ dīvāreñ hī zindānoñ kī

bastiyan kaise na mamnun hon diwanon ki

wusaten in mein wahi lae hain viranon ki

kal gine jaenge zumre mein sitam-ranon ke

KHair mangenge agar aaj sitam-ranon ki

KHwab baatil bhi to hote hain tan-asanon ke

sai-e-mashkur bhi hoti hai giran-jaanon ki

zaKHm shaki hain azal se namak-afshanon ke

baat rakkhi gai har daur mein paikanon ki

wo bina saz bhi hote hain gulistanon ke

KHak jo chhante phirte hain bayabanon ki

TukDe jo ginte hain TuTe hue paimanon ke

jaan ban jate hain aaKHir wahi mai-KHanon ki

tewar aate hain haqiqat mein bhi afsanon ke

kuchh haqiqat bhi hua karti hai afsanon ki

ho bhi jate hain rafu chaak-girebanon ke

tang bhi hoti hai pahnaiyan damanon ki

ibrat-abaad bhi dil hote hain insanon ke

dad milti bhi nahin KHun-shuda armanon ki

zarre zindan-e-malamat bhi hain viranon ke

dar bana karti hain diwaren hi zindanon ki