bata roz-marra ki zindagi tu ne ye wafa ka sila diya

batā roz-marra kī zindagī tū ne ye vafā kā sila diyā

mire saath jo bhī rifāqateñ thiiñ sabhī se parda haTā diyā

mujhe chheḌte haiñ vo bārhā jo kabhī baḌhāte the hausla

to maiñ kyā karūñ mujhe manziloñ ne hī rāste se haTā diyā

mire ham-navā mujhe aap se haiñ shikāyateñ bhī bahut sī ab

ki navāzishoñ ke uruuj pe kyoñ chaḌhā chaḌhā ke girā diyā

mujhe maat dete haiñ mustaqil mirī justujū ke ye qāfile

kabhī ruḳh havā kā jo saath thā usī moḌ pe hī jhukā diyā

mirī zindagī bhī tumhī se hai go karam bhī terā hai muḳhtasar

mere ġham kī dhuñd ko pyaar kā tū ne sahbā jo thā pilā diyā

'sabā' aaj bhī ye yaqīn hai jo baqā duā kī panāh meñ

mere rab ne juuñ mire āsmāñ ko zamīn par jo bichhā diyā

bata roz-marra ki zindagi tu ne ye wafa ka sila diya

mere sath jo bhi rifaqaten thin sabhi se parda haTa diya

mujhe chheDte hain wo barha jo kabhi baDhate the hausla

to main kya karun mujhe manzilon ne hi raste se haTa diya

mere ham-nawa mujhe aap se hain shikayaten bhi bahut si ab

ki nawazishon ke uruj pe kyon chaDha chaDha ke gira diya

mujhe mat dete hain mustaqil meri justuju ke ye qafile

kabhi ruKH hawa ka jo sath tha usi moD pe hi jhuka diya

meri zindagi bhi tumhi se hai go karam bhi tera hai muKHtasar

mere gham ki dhund ko pyar ka tu ne sahba jo tha pila diya

'saba' aaj bhi ye yaqin hai jo baqa dua ki panah mein

mere rab ne jun mere aasman ko zamin par jo bichha diya