bata ye kaun si manzil hai ai umr-e-rawan mujhko

batā ye kaun sī manzil hai ai 'umr-e-ravāñ mujh ko

nazar aatā nahīñ ḳhud kā bhī ab saaya jahāñ mujh ko

ye hai 'azm-e-javāñ merā nasheman phir banā lūñgā

jalāne kā nahīñ ehsās ai barq-e-tapāñ mujh ko

bichhaḌ kar kārvāñ se maiñ bhaTaktā hī rahā har sū

nazar aa.ī na manzil aur na gard-e-kārvāñ mujh ko

masīhā zahr de de yā ilāj-e-dard-o-ġham kar de

kabhī lene na degā chain ye dard-e-nihāñ mujh ko

'azā.im le ke uThThā huuñ aTal mere irāde haiñ

kabhī nīchā dikhā saktā nahīñ tū āsmāñ mujh ko

jahāñ sharminda-e-ta.abīr hai fitrat zamāne kī

ḳhulūs-e-ādmiyyat 'rāz' laa.ī hai vahāñ mujh ko

bata ye kaun si manzil hai ai 'umr-e-rawan mujh ko

nazar aata nahin KHud ka bhi ab saya jahan mujh ko

ye hai 'azm-e-jawan mera nasheman phir bana lunga

jalane ka nahin ehsas ai barq-e-tapan mujh ko

bichhaD kar karwan se main bhaTakta hi raha har su

nazar aai na manzil aur na gard-e-karwan mujh ko

masiha zahr de de ya ilaj-e-dard-o-gham kar de

kabhi lene na dega chain ye dard-e-nihan mujh ko

'azaim le ke uThTha hun aTal mere irade hain

kabhi nicha dikha sakta nahin tu aasman mujh ko

jahan sharminda-e-tabir hai fitrat zamane ki

KHulus-e-admiyyat 'raaz' lai hai wahan mujh ko