bataen kya ki kahan par makan hote the

batā.eñ kyā ki kahāñ par makān hote the

vahāñ nahīñ haiñ jahāñ par makān hote the

sunā gayā hai yahāñ shahr bas rahā thā koī

kahā gayā hai yahāñ par makān hote the

vo jis jagah se abhī uTh rahā hai gard-o-ġhubār

kabhī hamāre vahāñ par makān hote the

har ek samt nazar aa rahe haiñ Dher pe Dher

har ek samt makāñ par makān hote the

Thahar sake na 'razā' mauj-e-tund ke aage

vo jin ke āb-e-ravāñ par makān hote the

bataen kya ki kahan par makan hote the

wahan nahin hain jahan par makan hote the

suna gaya hai yahan shahr bas raha tha koi

kaha gaya hai yahan par makan hote the

wo jis jagah se abhi uTh raha hai gard-o-ghubar

kabhi hamare wahan par makan hote the

har ek samt nazar aa rahe hain Dher pe Dher

har ek samt makan par makan hote the

Thahar sake na 'raza' mauj-e-tund ke aage

wo jin ke aab-e-rawan par makan hote the