batao hath mein ulfat ka jam kis ka tha

batāo haath meñ ulfat kā jaam kis kā thā

tumhāre raaj bhavan meñ qayām kis kā thā

bhagā ke tum nahīñ laa.e the gar raqīban ko

to phir police ke register pe naam kis kā thā

tumheñ navāzā hai sab mere maike vāloñ ne

tumhāre ghar meñ ye sab tām-jhām kis kā thā

jise bazār se dilvā ke laa.e ho toffē

maiñ jāntī huuñ vo sūrat-harām kis kā thā

maiñ apne un se muḳhātib huuñ aur kis se nahīñ

mushā.ere meñ paḌhā jo kalām kis kā thā

nikal ke aa.ī ho jis ghar se aaj ai 'sajnī'

batāo saaf vo bait-e-harām kis kā thā

batao hath mein ulfat ka jam kis ka tha

tumhaare raj bhawan mein qayam kis ka tha

bhaga ke tum nahin lae the gar raqiban ko

to phir police ke register pe nam kis ka tha

tumhein nawaza hai sab mere maike walon ne

tumhaare ghar mein ye sab tam-jham kis ka tha

jise bazar se dilwa ke lae ho toffee

main jaanti hun wo surat-haram kis ka tha

main apne un se muKHatib hun aur kis se nahin

mushaere mein paDha jo kalam kis ka tha

nikal ke aai ho jis ghar se aaj ai 'sajni'

batao saf wo bait-e-haram kis ka tha