bayan-e-dard jab karta hun main ula-o-sani mein

bayān-e-dard jab kartā huuñ maiñ ūlā-o-sānī meñ

bahut miltī mohabbat hai mujhe phir she'r-ḳhvānī meñ

sabhī haiñ pūchhte ki 'ishq kar ke kyā milā āḳhir

batātā huuñ sukūñ miltā mujhe is rā.egānī meñ

jahāñ bhar meñ jise maiñ DhūñDhtā phirtā rahā aksar

milā ban bevafā kirdār vo merī kahānī meñ

sabhī apnoñ se yaañ mujh ko chhupānā ashk paḌtā hai

huī barsāt aisī mil ga.e sab ashk paanī meñ

bahut hī muskurātā thā kabhī mahfil meñ yāroñ kī

nazar kis kī lagī hai aaj us kī shādmānī meñ

suḳhanvar jab sunāte haiñ mohabbat hiir rāñjhā kī

tasavvur meñ tirā kartā huuñ un kī har bayānī meñ

ḳhafā sāhab huuñ tum se maiñ bas is ik baat ko le kar

ḳhudī ko bech aa.e tum na jaane kis gumānī meñ

bayan-e-dard jab karta hun main ula-o-sani mein

bahut milti mohabbat hai mujhe phir she'r-KHwani mein

sabhi hain puchhte ki 'ishq kar ke kya mila aaKHir

batata hun sukun milta mujhe is raegani mein

jahan bhar mein jise main DhunDhta phirta raha aksar

mila ban bewafa kirdar wo meri kahani mein

sabhi apnon se yan mujh ko chhupana ashk paDta hai

hui barsat aisi mil gae sab ashk pani mein

bahut hi muskuraata tha kabhi mahfil mein yaron ki

nazar kis ki lagi hai aaj us ki shadmani mein

suKHanwar jab sunate hain mohabbat hir ranjha ki

tasawwur mein tera karta hun un ki har bayani mein

KHafa sahab hun tum se main bas is ek baat ko le kar

KHudi ko bech aae tum na jaane kis gumani mein