bayan ghairon se apna gham karen kya

bayāñ ġhairoñ se apnā ġham kareñ kyā

namak ko zaḳhm kā marham kareñ kyā

na.e mausam ke ḳhāke haiñ nazar meñ

guzashta fasl kā mātam kareñ kyā

utartā hī nahīñ hai us kā jaadū

batāo ḳhud pe paḌh kar dam kareñ kyā

use ham kis tarah dil se nikāleñ

ye dil suntā nahīñ to ham kareñ kyā

ham us kī be-ruḳhī kā zikr kar ke

use kuchh aur bhī barham kareñ kyā

hameñ jabran hī jiinā paḌ rahā hai

batā ai gardish-e-paiham kareñ kyā

ġhamoñ kī dhuup meñ jab jal chuke haiñ

ḳhushī kī chhāñv kā 'ālam' kareñ kyā

bayan ghairon se apna gham karen kya

namak ko zaKHm ka marham karen kya

nae mausam ke KHake hain nazar mein

guzashta fasl ka matam karen kya

utarta hi nahin hai us ka jadu

batao KHud pe paDh kar dam karen kya

use hum kis tarah dil se nikalen

ye dil sunta nahin to hum karen kya

hum us ki be-ruKHi ka zikr kar ke

use kuchh aur bhi barham karen kya

hamein jabran hi jina paD raha hai

bata ai gardish-e-paiham karen kya

ghamon ki dhup mein jab jal chuke hain

KHushi ki chhanw ka 'alam' karen kya