bayan kya hai jo is se bhi kuchh siwa samjhen

bayān kyā hai jo is se bhī kuchh sivā samjheñ

unheñ kaho ki vo dil kā mo.āmla samjheñ

kaho ki kasrat-e-kār-e-jahāñ ke hote hue

kisī kī yaad satā.e to is ko kyā samjheñ

ki sū-e-dil chalī aatī haiñ laḌkiyāñ pahle

phir us ke baad ye kahtī haiñ mas.ala samjheñ

ye daur vo nahīñ likkhā hai jo kitāboñ meñ

yahāñ vafā kī adākārī ko vafā samjheñ

guzishta ishq kā ġhaflat meñ khul gayā hai bhed

agar ye sab vo na samjhā to phir judā samjheñ

ye kār-zār chalātā hai kaun apne sivā

kise ḳhudā.ī kaheñ ham kise ḳhudā samjheñ

sipāh-e-dushman-e-dil qahqaha lagā ke kahe

ye ahl-e-ishq haiñ in ko marā huā samjheñ

ḳhazāna DhūñDne nikle the kho ga.e haiñ ḳhud

kahā bhī thā ki palaTne kā rāsta samjheñ

bayan kya hai jo is se bhi kuchh siwa samjhen

unhen kaho ki wo dil ka moamla samjhen

kaho ki kasrat-e-kar-e-jahan ke hote hue

kisi ki yaad satae to is ko kya samjhen

ki su-e-dil chali aati hain laDkiyan pahle

phir us ke baad ye kahti hain masala samjhen

ye daur wo nahin likkha hai jo kitabon mein

yahan wafa ki adakari ko wafa samjhen

guzishta ishq ka ghaflat mein khul gaya hai bhed

agar ye sab wo na samjha to phir juda samjhen

ye kar-zar chalata hai kaun apne siwa

kise KHudai kahen hum kise KHuda samjhen

sipah-e-dushman-e-dil qahqaha laga ke kahe

ye ahl-e-ishq hain in ko mara hua samjhen

KHazana DhunDne nikle the kho gae hain KHud

kaha bhi tha ki palaTne ka rasta samjhen