bayan kya kijiye soz-e-darun ko dastanon mein

bayāñ kyā kījiye soz-e-darūñ ko dāstānoñ meñ

nikal ke tiir kab aate haiñ vāpas phir kamānoñ meñ

hamārī soch ke bādal haiñ uḌte āsmānoñ meñ

karegī yaad ye duniyā hameñ aate zamānoñ meñ

sabhī mil kar bichhaḌ jaa.eñ agar gumnām ho jaa.eñ

makīñ phir kis liye baste haiñ in ūñche makānoñ meñ

rahe vahshat-zada ke saath to vahshat milī har dam

vo hī vahshat rahī man meñ sabhī mausam suhānoñ meñ

churā ke ḳhvāb vo mere chalā to ye ḳhayāl aayā

qalam kī nok se likh duuñ alam ye sab lisānoñ meñ

jo sach kahte haiñ vo hī jāvedāñ rahte haiñ aalam meñ

chhupāyā jā nahīñ saktā haqīqat ko fasānoñ meñ

zamīñ sarsabz hai fasleñ bhī kaisī lahlahātī haiñ

amīr-e-shahr ne ḳhirman jo bāñTā hai kisānoñ meñ

vafā ke naam par hargiz hinā ḳhāmosh mat rahnā

kabhī vo lauT ā.eñge tumhārī dāstānoñ meñ

bayan kya kijiye soz-e-darun ko dastanon mein

nikal ke tir kab aate hain wapas phir kamanon mein

hamari soch ke baadal hain uDte aasmanon mein

karegi yaad ye duniya hamein aate zamanon mein

sabhi mil kar bichhaD jaen agar gumnam ho jaen

makin phir kis liye baste hain in unche makanon mein

rahe wahshat-zada ke sath to wahshat mili har dam

wo hi wahshat rahi man mein sabhi mausam suhanon mein

chura ke KHwab wo mere chala to ye KHayal aaya

qalam ki nok se likh dun alam ye sab lisanon mein

jo sach kahte hain wo hi jawedan rahte hain aalam mein

chhupaya ja nahin sakta haqiqat ko fasanon mein

zamin sarsabz hai faslen bhi kaisi lahlahati hain

amir-e-shahr ne KHirman jo banTa hai kisanon mein

wafa ke nam par hargiz hina KHamosh mat rahna

kabhi wo lauT aaenge tumhaari dastanon mein