بزم رنگ و بو کا ہوں میں راز داں تنہا

بزم رنگ و بو کا ہوں میں راز داں تنہا

ہے مری زمیں تنہا اور آسماں تنہا

رہروان منزل ہی جب بچھڑ چکے سارے

کیا کرے گا منزل پر میر کارواں تنہا

رہ گزر میں یکسوئی انجمن میں تنہائی

ہم ترے تصور میں تھے کہاں کہاں تنہا

زندگی کی راہیں اب پر خطر ہیں اس درجہ

آپ چل نہیں سکتے دو قدم یہاں تنہا

ذوق بندگی ہو تو بندگی کو کافی ہیں

اک مری جبیں تنہا تیرا آستاں تنہا

ان سے حال دل کہنا اے نصیرؔ لازم ہے

خامشی نہیں ہوتی غم کی ترجماں تنہا