bazm-e-suKHan hai aur suKHan-dan nae nae

bazm-e-suḳhan hai aur suḳhan-dāñ na.e na.e

mahfil meñ aaj aa.e haiñ mehmāñ na.e na.e

kin manziloñ kī taak meñ ye kārvān-e-zīst

rāheñ na.ī na.ī haiñ gulistāñ na.e na.e

bilkul ġhalat hai kaun ye kahtā hai vajd meñ

milte nahīñ junūñ ko bayābāñ na.e na.e

saaqī zarā nazar tū uThā dekh bazm meñ

piine ko aaj aa.e haiñ mehmāñ na.e na.e

jab tak hai saañs hausla baaqī rahe mirā

DhūñDā karūñgā dard ke darmāñ na.e na.e

muskān abrūoñ ke ishāre salām-e-ishq

kaise uThā.e jā.eñge ehsāñ na.e na.e

kyā ġham jo ajnabī hai zarā guftugū 'sahar'

un ke liye to aap haiñ mehmāñ na.e na.e

bazm-e-suKHan hai aur suKHan-dan nae nae

mahfil mein aaj aae hain mehman nae nae

kin manzilon ki tak mein ye karwan-e-zist

rahen nai nai hain gulistan nae nae

bilkul ghalat hai kaun ye kahta hai wajd mein

milte nahin junun ko bayaban nae nae

saqi zara nazar tu uTha dekh bazm mein

pine ko aaj aae hain mehman nae nae

jab tak hai sans hausla baqi rahe mera

DhunDa karunga dard ke darman nae nae

muskan abruon ke ishaare salam-e-ishq

kaise uThae jaenge ehsan nae nae

kya gham jo ajnabi hai zara guftugu 'sahar'

un ke liye to aap hain mehman nae nae