bazm mein unki jaana bhi

bazm meñ un kī jaanā bhī

hosh meñ vāpas aanā bhī

ek nigāh-e-nāz meñ hai

jiinā bhī mar jaanā bhī

rūdād-e-mansūr sunī

sun merā afsānā bhī

ishq hai ban bhī tārik-e-dīñ

aql se ho begāna bhī

dil se samajhnā bhī hai kuchh

kuchh hai use samjhānā bhī

uf saaqī kī mast nigāh

jhuum gayā mai-ḳhāna bhī

bāda-e-ishq se haiñ rangīn

miinā bhī paimāna bhī

pūchh na hai kitnā pur-kaif

dhoke meñ dil ke aanā bhī

yaar ke nikle dīvāne

nādāñ bhī sab daanā bhī

rāh-e-ishq hai vo jis kā

kho denā hai paanā bhī

rasm-e-vafā kā uThnā thā

'nāmī' kā mar jaanā bhī

bazm mein un ki jaana bhi

hosh mein wapas aana bhi

ek nigah-e-naz mein hai

jina bhi mar jaana bhi

rudad-e-mansur suni

sun mera afsana bhi

ishq hai ban bhi tarik-e-din

aql se ho begana bhi

dil se samajhna bhi hai kuchh

kuchh hai use samjhana bhi

uf saqi ki mast nigah

jhum gaya mai-KHana bhi

baada-e-ishq se hain rangin

mina bhi paimana bhi

puchh na hai kitna pur-kaif

dhoke mein dil ke aana bhi

yar ke nikle diwane

nadan bhi sab dana bhi

rah-e-ishq hai wo jis ka

kho dena hai pana bhi

rasm-e-wafa ka uThna tha

'nami' ka mar jaana bhi