بے دلی میں بھی دل بڑا رکھنا
بے دلی میں بھی دل بڑا رکھنا
یہ دریچہ سدا کھلا رکھنا
رات کے سحر میں ہے سارا نگر
اپنے گھر کا دیا جلا رکھنا
یہ گھڑی صبر آزما ہوگی
زندہ رہنے کا حوصلہ رکھنا
ساری خوشیاں وفا نہیں کرتیں
درد سے دل کو آشنا رکھنا
بھول کر بھی نہ دل پہ میل آئے
آئنہ یہ سدا دھلا رکھنا
سینچ کر خوں سے ایک اک لمحہ
پیڑ پت جھڑ میں بھی ہرا رکھنا
پھل کبھی تو کھلائے گی یہ ہوا
اپنی نیت کا آسرا رکھنا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
