be-hijabana wo kal jab bar-sar-e-mahfil gae

be-hijābāna vo kal jab bar-sar-e-mahfil ga.e

jitne murjhā.e the chehre ek dam se khil ga.e

yaar vo nāzuk hai itnā maiñ ne us ke aane par

farsh phūloñ kā bichhāyā paañv phir bhī chhil ga.e

jaane us āvāz meñ kaisī shifā maujūd hai

us ne pūchhā Thiik ho aur zaḳhm ḳhud hī sil ga.e

vo jo apnī be-tukī bātoñ se hī mash.hūr hai

us kī bāteñ sunñe ko sab shahr ke 'āqil ga.e

sirf us ke husn kī ḳhairāt lene ke liye

ban ke shāhān-e-zamāna bhī vahāñ saa.il ga.e

baiThe baiThe us ne naddī meñ Dubo.e paañv aur

dekhte hī dekhte donoñ kināre mil ga.e

apnī manzil paane vāloñ meñ vahī kuchh log haiñ

rauñd kar apnī anā jo jānib-e-manzil ga.e

be-hijabana wo kal jab bar-sar-e-mahfil gae

jitne murjhae the chehre ek dam se khil gae

yar wo nazuk hai itna main ne us ke aane par

farsh phulon ka bichhaya panw phir bhi chhil gae

jaane us aawaz mein kaisi shifa maujud hai

us ne puchha Thik ho aur zaKHm KHud hi sil gae

wo jo apni be-tuki baaton se hi mashhur hai

us ki baaten sunne ko sab shahr ke 'aqil gae

sirf us ke husn ki KHairaat lene ke liye

ban ke shahan-e-zamana bhi wahan sail gae

baiThe baiThe us ne naddi mein Duboe panw aur

dekhte hi dekhte donon kinare mil gae

apni manzil pane walon mein wahi kuchh log hain

raund kar apni ana jo jaanib-e-manzil gae