be-iKHtiyar hum jo sar-e-bazm ro diye

be-iḳhtiyār ham jo sar-e-bazm ro diye

kitne sunahre ḳhvāb in āñkhoñ ne kho diye

tanhā.iyoñ kī dhuup meñ yādoñ kī ye phuvār

jaise kisī ne dil ke sabhī zaḳhm dho diye

phir aaj kyoñ havā.eñ ye sahmī huī sī haiñ

kis ne ye phir fazāoñ meñ nashtar chubho diye

ai dost kuchh to baat kā mafhūm bhī batā

lafzoñ ke haar tū ne bahut ab piro diye

shāyad tirī vafāoñ meñ koī kamī huī

ai 'chāñd' tū ne yaar purāne jo kho diye

be-iKHtiyar hum jo sar-e-bazm ro diye

kitne sunahre KHwab in aankhon ne kho diye

tanhaiyon ki dhup mein yaadon ki ye phuwar

jaise kisi ne dil ke sabhi zaKHm dho diye

phir aaj kyon hawaen ye sahmi hui si hain

kis ne ye phir fazaon mein nashtar chubho diye

ai dost kuchh to baat ka mafhum bhi bata

lafzon ke haar tu ne bahut ab piro diye

shayad teri wafaon mein koi kami hui

ai 'chand' tu ne yar purane jo kho diye