بے انتہا ہو قرب مگر اس قدر نہ ہو

بے انتہا ہو قرب مگر اس قدر نہ ہو

ہم جس پہ مر رہے ہیں اسی کو خبر نہ ہو

موہوم سی سدا ہو مگر گونجتی رہے

اک عام سی دعا ہو مگر بے اثر نہ ہو

شانوں کا ذکر ہوتے ہی سر ڈھونڈتے ہیں لوگ

سرگرمیٔ جہان کی اتنی خبر نہ ہو

شاعر ہی کھینچ سکتا ہے پانی پہ وہ لکیر

ایسی کہ ایک بوند ادھر سے ادھر نہ ہو

بس دو ہی صورتوں میں نگاہیں ہیں مطمئن

ان پر نظر رہے یا کسی پر نظر نہ ہو

کس چاند نے کہا تھا کہ راتوں کو جاگیے

کب دھوپ نے کہا تھا کہ سر پر شجر نہ ہو

اس گمرہی میں ڈھونڈ نئی منزلیں امتؔ

اگلا قدم وہاں ہو جہاں رہگزر نہ ہو