be-kasi-e-sahar-o-sham pe hans deta hun

be-kasī-e-sahar-o-shām pe hañs detā huuñ

ġhurbat-e-gardish-e-ayyām pe hañs detā huuñ

taan ho tanz ho tahqīr ho yā ho tazlīl

un kī har baat pe har kaam pe hañs detā huuñ

rote haiñ sāġhar-e-labrez bhī le kar kuchh rind

maiñ magar apne tahī jaam pe hañs detā huuñ

qissa-e-dard ko karte hue zabt-e-tahrīr

rote rote bhī tire naam pe hañs detā huuñ

ziist meñ jab nahīñ aatī kisī 'unvāñ pe hañsī

aap apne dil-e-nākām pe hañs detā huuñ

har tarah ḳhātir-e-sayyād hai manzūr 'kalīm'

dil to hai mā.il-e-kohrām pa hañs detā hai

be-kasi-e-sahar-o-sham pe hans deta hun

ghurbat-e-gardish-e-ayyam pe hans deta hun

tan ho tanz ho tahqir ho ya ho tazlil

un ki har baat pe har kaam pe hans deta hun

rote hain saghar-e-labrez bhi le kar kuchh rind

main magar apne tahi jam pe hans deta hun

qissa-e-dard ko karte hue zabt-e-tahrir

rote rote bhi tere nam pe hans deta hun

zist mein jab nahin aati kisi 'unwan pe hansi

aap apne dil-e-nakaam pe hans deta hun

har tarah KHatir-e-sayyaad hai manzur 'kalim'

dil to hai mail-e-kohram pa hans deta hai