be-kasi ne ghar banaya mere ghar ke samne

be-kasī ne ghar banāyā mere ghar ke sāmne

ro rahā huuñ baiTh kar dīvār-o-dar ke sāmne

bas-ki nairañg-e-taġhāful thā nazar ke sāmne

maut bhī khoī ga.ī kyā banjar ke sāmne

ibrat-e-vāmāñdgāñ huuñ hasrat-e-vāraftagāñ

ik taraf baiThā huā huuñ rahguzar ke sāmne

shauq-e-rusvā.ī ko bhī ḳhāka uḌānā thā zarūr

hashr ik tasvīr-e-aksī hai nazar ke sāmne

baḳht-e-bad ne fitna-e-roz-e-jazā ke parde meñ

aa.ina rakkhā junūn-e-be-ḳhabar ke sāmne

umr baḌhtī hai fareb-e-ārzū kī yaad meñ

aarzū miTtī hai us bedād-gar ke sāmne

hoñ vo mast-e-sheva-e-sāqī ki sāġhar kī tarah

saiñkaḌoñ maiḳhāne phirte haiñ nazar ke sāmne

intizār-e-shauq kī ye nā-tamāmī haa.e haa.e

mar gayā huuñ naama de kar nāma-bar ke sāmne

baḳht-e-mehnat-āzmā kī nā-rasā.ī haa.e haa.e

miT gayā huuñ jāda-e-rāh-e-safar ke sāmne

rāhzan ko DhūñDhtā hai shauq-e-āzādī talab

shikva-e-bād-e-garāñ hai rāhbar ke sāmne

aa.ine se khiñchte haiñ goyā bahut hī saade haiñ

vo na Thahre apnī chashm-e-fitnagar ke sāmne

haañ abhī bazm-e-ḳhayāl-e-ġhair se aayā huuñ maiñ

tum na aanā mere shauq-e-parda-dar ke sāmne

rahguzār-e-kārvān-e-ārzū ab miT gayā

manzileñ thiiñ dil kī pahlū meñ jigar ke sāmne

ai 'vafā' qatra bhī hai shāmil kamāl-e-bahr meñ

aib ho kar aa.e ham ahl-e-hunar ke sāmne

be-kasi ne ghar banaya mere ghar ke samne

ro raha hun baiTh kar diwar-o-dar ke samne

bas-ki nairang-e-taghaful tha nazar ke samne

maut bhi khoi gai kya banjar ke samne

ibrat-e-wamandgan hun hasrat-e-waraftagan

ek taraf baiTha hua hun rahguzar ke samne

shauq-e-ruswai ko bhi KHaka uDana tha zarur

hashr ek taswir-e-aksi hai nazar ke samne

baKHt-e-bad ne fitna-e-roz-e-jaza ke parde mein

aaina rakkha junun-e-be-KHabar ke samne

umr baDhti hai fareb-e-arzu ki yaad mein

aarzu miTti hai us bedad-gar ke samne

hon wo mast-e-shewa-e-saqi ki saghar ki tarah

sainkaDon maiKHane phirte hain nazar ke samne

intizar-e-shauq ki ye na-tamami hae hae

mar gaya hun nama de kar nama-bar ke samne

baKHt-e-mehnat-azma ki na-rasai hae hae

miT gaya hun jada-e-rah-e-safar ke samne

rahzan ko DhunDhta hai shauq-e-azadi talab

shikwa-e-baad-e-garan hai rahbar ke samne

aaine se khinchte hain goya bahut hi sade hain

wo na Thahre apni chashm-e-fitnagar ke samne

han abhi bazm-e-KHayal-e-ghair se aaya hun main

tum na aana mere shauq-e-parda-dar ke samne

rahguzar-e-karwan-e-arzu ab miT gaya

manzilen thin dil ki pahlu mein jigar ke samne

ai 'wafa' qatra bhi hai shamil kamal-e-bahr mein

aib ho kar aae hum ahl-e-hunar ke samne