be-KHud mujhe ai jalwa-e-jaanana bana de
be-ḳhud mujhe ai jalva-e-jānāna banā de
duniyā mirī hairat ko tamāshā na banā de
ai ishq ab ehsās se begāna banā de
varna kahīñ ġham-e-dil ko khilaunā na banā de
jis bazm meñ pahuñchūñ maiñ banūñ bazm kā hāsil
itnā to tirī chashm-e-karīmāna banā de
aayā huuñ maiñ bhaTkā huā sahrā-e-junūñ se
ai aql kahīñ tū bhī na dīvāna banā de
mahfil mirī āñkhoñ meñ tujhe DhūñD rahī hai
tū mujh ko kahīñ anjuman-ārā na banā de
bad-baḳht huuñ jaate hue Dartā huuñ chaman meñ
qismat kahīñ har phuul ko kāñTā na banā de
'jauhar' pe sitam tark-e-mohabbat kī hai tamhīd
ye jaur tumheñ aur bhī pyārā na banā de
har gaam pe kuchh phuul chune jaate ho 'jauhar'
ye shauq kahīñ baaġh ko sahrā na banā de
be-KHud mujhe ai jalwa-e-jaanana bana de
duniya meri hairat ko tamasha na bana de
ai ishq ab ehsas se begana bana de
warna kahin gham-e-dil ko khilauna na bana de
jis bazm mein pahunchun main banun bazm ka hasil
itna to teri chashm-e-karimana bana de
aaya hun main bhaTka hua sahra-e-junun se
ai aql kahin tu bhi na diwana bana de
mahfil meri aankhon mein tujhe DhunD rahi hai
tu mujh ko kahin anjuman-ara na bana de
bad-baKHt hun jate hue Darta hun chaman mein
qismat kahin har phul ko kanTa na bana de
'jauhar' pe sitam tark-e-mohabbat ki hai tamhid
ye jaur tumhein aur bhi pyara na bana de
har gam pe kuchh phul chune jate ho 'jauhar'
ye shauq kahin bagh ko sahra na bana de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
