be-KHudi mein KHumar ki baaten

be-ḳhudī meñ ḳhumār kī bāteñ

jabr meñ iḳhtiyār kī bāteñ

jazba-e-be-qarār kī bāteñ

hoñ na hoñ haiñ bahār kī bāteñ

ek musht-e-ġhubār kī bāteñ

aur is e.atibār kī bāteñ

vo kareñ mujh se pyaar kī bāteñ

haiñ ye lail-o-nahār kī bāteñ

ban ga.iiñ hāl-e-zār kī bāteñ

bātoñ bātoñ meñ pyaar kī bāteñ

dil kī gahrā.iyoñ se hotī haiñ

dīda-e-ashk-bār kī bāteñ

tuul ġham ko deñ aap ke dushman

kījiye iḳhtisār kī bāteñ

be-qarārī kā raaz ban jaa.eñ

kaash dil ke qarār kī bāteñ

inqilābāt kā fasāna haiñ

gardish-e-rozgār kī bāteñ

asl nairangi-e-jahāñ kā kyā

chashm-e-be-e'tibār kī bāteñ

ḳhuub charche hue mohabbat ke

ḳhuub sunvā.eñ pyaar kī bāteñ

sādgī hī meñ 'shād' rahnā hai

haiñ girāñ sab vaqār kī bāteñ

be-KHudi mein KHumar ki baaten

jabr mein iKHtiyar ki baaten

jazba-e-be-qarar ki baaten

hon na hon hain bahaar ki baaten

ek musht-e-ghubar ki baaten

aur is eatibar ki baaten

wo karen mujh se pyar ki baaten

hain ye lail-o-nahaar ki baaten

ban gain haal-e-zar ki baaten

baaton baaton mein pyar ki baaten

dil ki gahraiyon se hoti hain

dida-e-ashk-bar ki baaten

tul gham ko den aap ke dushman

kijiye iKHtisar ki baaten

be-qarari ka raaz ban jaen

kash dil ke qarar ki baaten

inqilabaat ka fasana hain

gardish-e-rozgar ki baaten

asl nairangi-e-jahan ka kya

chashm-e-be-e'tibar ki baaten

KHub charche hue mohabbat ke

KHub sunwaen pyar ki baaten

sadgi hi mein 'shad' rahna hai

hain giran sab waqar ki baaten