بے نیاز سکون منزل ہے
بے نیاز سکون منزل ہے
زندگی ارتقا پہ مائل ہے
گم ہے یوں فکر کائنات میں دل
یاد محبوب سے بھی غافل ہے
فن فقط حسن کو نہیں کہتے
اس میں خون جگر بھی شامل ہے
تجھ پہ قربان اے غم دوراں
تو مری زندگی کا حاصل ہے
آپ کیا جانیں شورش طوفاں
آپ کا دل رہین ساحل ہے
آؤ کرنوں کے کھوج میں نکلیں
تیرگی سے نباہ مشکل ہے
آپ اپنے ضمیر سے شرمائیں
آئنہ آپ کے مقابل ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
