بے نیازی کے سلسلے میں ہوں
میں کہاں اب ترے نشے میں ہوں
ہجر تیرا مجھے ستاتا ہے
اور باقی تو بس مزے میں ہوں
ڈھونڈھ مت ان اداس آنکھوں میں
غور کر تیرے قہقہے میں ہوں
وہ مجھے اب بھی چاہتا ہوگا
میں ابھی تک مغالطے میں ہوں
ہر طرف محفلیں خیالوں کی
عشق کے شاہی محکمے میں ہوں
توڑ کر ہی نکال لے کوئی
قید میں اپنے دائرے میں ہوں
اوس کو منزل بھی مل گئی اپنی
اور میں ہوں کہ راستے میں ہوں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
