be-niyazi ki ek shan ban jaiye

be-niyāzī kī ik shaan ban jā.iye

mujh se dānista anjān ban jā.iye

sharh-e-hastī kā unvān ban jā.iye

merā diiñ merā īmān ban jā.iye

haa.e ye be-ḳhudī aur is kā ma.aal

ab ḳhudī ke nigahbān ban jā.iye

naqd-e-ahl-e-jahāñ dekhne ke liye

kuchh dinoñ ko pareshān ban jā.iye

aadmī se farishta ye imkāñ sahī

aa.iye aap insān ban jā.iye

kyā kamī hai jo un se guzārish karūñ

rang-o-nik.hat kā tūfān ban jā.iye

muhr-e-tasdīq-e-kirdār bhī hai kahīñ

aap banñe ko zīshān ban jā.iye

kā.enāt aur phir us kā aks-e-jamāl

pesh-e-ā.īna hairān ban jā.iye

ā’rifāna tajāhul ke qurbāñ 'urūj'

phir zarā aap anjān ban jā.iye

be-niyazi ki ek shan ban jaiye

mujh se danista anjaan ban jaiye

sharh-e-hasti ka unwan ban jaiye

mera din mera iman ban jaiye

hae ye be-KHudi aur is ka maal

ab KHudi ke nigahban ban jaiye

naqd-e-ahl-e-jahan dekhne ke liye

kuchh dinon ko pareshan ban jaiye

aadmi se farishta ye imkan sahi

aaiye aap insan ban jaiye

kya kami hai jo un se guzarish karun

rang-o-nikhat ka tufan ban jaiye

muhr-e-tasdiq-e-kirdar bhi hai kahin

aap banne ko zishan ban jaiye

kaenat aur phir us ka aks-e-jamal

pesh-e-aina hairan ban jaiye

aa’rifana tajahul ke qurban 'uruj'

phir zara aap anjaan ban jaiye