be-ruKHi der tak nahin rahti

be-ruḳhī der tak nahīñ rahtī

barhamī der tak nahīñ rahtī

vasl ke baa'd hijr aatā hai

dilkashī der tak nahīñ rahtī

yaar sūraj ġhurūb phir hogā

raushnī der tak nahīñ rahtī

'āshiqī der tak to rahtī hai

zindagī der tak nahīñ rahtī

baat ye hai ki dil ke dariyā meñ

jal-parī der tak nahīñ rahtī

zaḳhm-e-dil rahtā hai hamesha harā

be-hisī der tak nahīñ rahtī

bāteñ dānā.ī kī vo kartā hai

kam-sinī der tak nahīñ rahtī

dosto qutb shah ke kamre meñ

mushtarī der tak nahīñ rahtī

taḳht pal meñ ulaTte haiñ 'bismil'

khusravī der tak nahīñ rahtī

jab bhī aatī hai mere hujre meñ

vo kabhī der tak nahīñ rahtī

maiñ hī huuñ kal kā mātamī 'bismil'

ḳhush-dilī der tak nahīñ rahtī

be-ruKHi der tak nahin rahti

barhami der tak nahin rahti

wasl ke ba'd hijr aata hai

dilkashi der tak nahin rahti

yar suraj ghurub phir hoga

raushni der tak nahin rahti

'ashiqi der tak to rahti hai

zindagi der tak nahin rahti

baat ye hai ki dil ke dariya mein

jal-pari der tak nahin rahti

zaKHm-e-dil rahta hai hamesha hara

be-hisi der tak nahin rahti

baaten danai ki wo karta hai

kam-sini der tak nahin rahti

dosto qutb shah ke kamre mein

mushtari der tak nahin rahti

taKHt pal mein ulaTte hain 'bismil'

khusrawi der tak nahin rahti

jab bhi aati hai mere hujre mein

wo kabhi der tak nahin rahti

main hi hun kal ka matami 'bismil'

KHush-dili der tak nahin rahti