be-ruKHi se na pesh aa saqi

be-ruḳhī se na pesh aa saaqī

TuuT jā.egā dil mirā saaqī

bhuul jā.ūñ maiñ ranj-o-ġham saare

aaj aisā nasha pilā saaqī

mai-kashoñ se hijāb kyā ma.anī

sāmne be-naqāb aa saaqī

aah maazī mirā hasīñ maazī

lauT kar ab na aa.egā saaqī

raaz merī siyāh-baḳhtī kā

kaun jaane mire sivā saaqī

dasht-e-ġham meñ bhaTak gayā huuñ maiñ

raah koī mujhe dikhā saaqī

dair-o-ka.aba meñ ghuum kar 'nayyar'

terī mahfil meñ aa gayā saaqī

be-ruKHi se na pesh aa saqi

TuT jaega dil mera saqi

bhul jaun main ranj-o-gham sare

aaj aisa nasha pila saqi

mai-kashon se hijab kya mani

samne be-naqab aa saqi

aah mazi mera hasin mazi

lauT kar ab na aaega saqi

raaz meri siyah-baKHti ka

kaun jaane mere siwa saqi

dasht-e-gham mein bhaTak gaya hun main

rah koi mujhe dikha saqi

dair-o-kaba mein ghum kar 'nayyar'

teri mahfil mein aa gaya saqi