be-sada se shahr mein kuchh log tanha rah gae

be-sadā se shahr meñ kuchh log tanhā rah ga.e

aañkh se aañsū gire aur ḳhvāb saare bah ga.e

be-ḳhabar sī raat meñ sunsān galiyoñ ke charāġh

ratjagoñ kī chaah meñ kyā kyā diloñ par sah ga.e

dekhne se lag rahā hai aap bhī vāqif se haiñ

jin pe nāzāñ the kabhī ye baat ham ko kah ga.e

kyā kareñ shikva kisī se zindagī kā ham miyāñ

sunñe vaale sunte sunte kab ke zer-e-tah ga.e

zindagī kī dhuup meñ saaya thā jin ke naam kā

kyā hue vo pyaar ke mīnār kaise Dhah ga.e

kyā huā jo chaal chalte miT ga.e ham piT ga.e

ham payāde the magar maidāñ meñ ban ke shah ga.e

kis nagar meñ shams Duubā taare bhaTke kis taraf

kis jahāñ meñ raat Thahrī jugnū bādal mah ga.e

be-sada se shahr mein kuchh log tanha rah gae

aankh se aansu gire aur KHwab sare bah gae

be-KHabar si raat mein sunsan galiyon ke charagh

ratjagon ki chah mein kya kya dilon par sah gae

dekhne se lag raha hai aap bhi waqif se hain

jin pe nazan the kabhi ye baat hum ko kah gae

kya karen shikwa kisi se zindagi ka hum miyan

sunne wale sunte sunte kab ke zer-e-tah gae

zindagi ki dhup mein saya tha jin ke nam ka

kya hue wo pyar ke minar kaise Dhah gae

kya hua jo chaal chalte miT gae hum piT gae

hum payaade the magar maidan mein ban ke shah gae

kis nagar mein shams Duba tare bhaTke kis taraf

kis jahan mein raat Thahri jugnu baadal mah gae