be-shumaro mere yaro alwidaa

be-shumāro mere yaaro alvidā.a

murġh-zāro chāñd taaro alvidā.a

maiñ chalā ārām karne kuchh ghaḌī

be-sukūno be-qarāro alvidā.a

ab rahūñgā nafratoñ ke shahr meñ

chāhatoñ ke da.ave-dāro alvidā.a

ḳhuub guzrī jo bhī guzrī saath meñ

ġham ke maaro rishta-dāro alvidā.a

ai mirī har raat ke ham-rāhiyo

ai sitāro ġham-gusāro alvidā.a

mauj ne ab sāhiloñ ke darmiyāñ

pheñk Daalā ai kināro alvidā.a

raat kī āġhosh hai aur hijr hai

hosh ke uljhe madāro alvidā.a

lo mubārak ho tumheñ ye bazm ab

bas karo ab mat pukāro alvidā.a

saaz naġhma jaam bazm-e-dostāñ

ziist ke jhūTe sahāro alvidā.a

raqs-e-'dānish' fikr ke darbār meñ

ai junūñ ke Thekedāro alvidā.a

be-shumaro mere yaro alwidaa

murgh-zaro chand taro alwidaa

main chala aaram karne kuchh ghaDi

be-sukuno be-qararo alwidaa

ab rahunga nafraton ke shahr mein

chahaton ke dawe-daro alwidaa

KHub guzri jo bhi guzri sath mein

gham ke maro rishta-daro alwidaa

ai meri har raat ke ham-rahiyo

ai sitaro gham-gusaro alwidaa

mauj ne ab sahilon ke darmiyan

phenk Dala ai kinaro alwidaa

raat ki aaghosh hai aur hijr hai

hosh ke uljhe madaro alwidaa

lo mubarak ho tumhein ye bazm ab

bas karo ab mat pukaro alwidaa

saz naghma jam bazm-e-dostan

zist ke jhuTe sahaaro alwidaa

raqs-e-'danish' fikr ke darbar mein

ai junun ke Thekedaro alwidaa