بے ترے لطف باغ بھی نہ رہا
وہ مزاج و دماغ بھی نہ رہا
اک ترا ساتھ ہم سے کیا چھوٹا
زندگی کا سراغ بھی نہ رہا
جس سے رندی مری مقدس تھی
آنکھ کا وہ ایاغ بھی نہ رہا
ایک دل کا چراغ روشن تھا
ہائے اب وہ چراغ بھی نہ رہا
الوداع اے سکون قلب و نظر
وہ جہان فراغ بھی نہ رہا
وقت نے زخم بھر دئے سارے
بیتی یادوں کا داغ بھی نہ رہا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
