be-tire lutf-e-bagh bhi na raha

be-tire lutf-e-bāġh bhī na rahā

vo mizāj-o-dimāġh bhī na rahā

ik tirā saath ham se kyā chhūTā

zindagī kā surāġh bhī na rahā

jis se rindī mirī muqaddas thī

aañkh kā vo ayāġh bhī na rahā

ek dil kā charāġh raushan thā

haa.e ab vo charāġh bhī na rahā

alvidā.a ai sukūn-e-qalb-o-nazar

vo jahān-e-farāġh bhī na rahā

vaqt ne zaḳhm bhar diye saare

biitī yādoñ kā daaġh bhī na rahā

be-tire lutf-e-bagh bhi na raha

wo mizaj-o-dimagh bhi na raha

ek tera sath hum se kya chhuTa

zindagi ka suragh bhi na raha

jis se rindi meri muqaddas thi

aankh ka wo ayagh bhi na raha

ek dil ka charagh raushan tha

hae ab wo charagh bhi na raha

alwidaa ai sukun-e-qalb-o-nazar

wo jahan-e-faragh bhi na raha

waqt ne zaKHm bhar diye sare

biti yaadon ka dagh bhi na raha