be-zar ki be-zari ka maza humse puchhiye

be-zar kī be-zarī kā mazā ham se pūchhiye

kaisā hai muflisī kā mazā ham se pūchhiye

kāñTe to phir bhī kāñTe haiñ un se gila hai kyā

phūloñ se dostī kā mazā ham se pūchhiye

pahchān kar bhī vo hameñ pahchānte nahīñ

dānista be-ruḳhī kā mazā ham se pūchhiye

jo ghar jalā hai chashm-e-'ināyat se aap kī

is ghar kī raushnī kā mazā ham se pūchhiye

phirte the 'mīr' ḳhvār koī pūchhtā na thā

ab ‘ishq-o-‘āshiqī kā mazā ham se pūchhiye

dānish-kadoñ meñ jehl-e-murakkab kā shor-o-shar

is daur-e-āgahī kā mazā ham se pūchhiye

vo kyā batā.eñge jinheñ dariyā nasīb hai

'bahzād' tishnagī kā mazā ham se pūchhiye

be-zar ki be-zari ka maza hum se puchhiye

kaisa hai muflisi ka maza hum se puchhiye

kanTe to phir bhi kanTe hain un se gila hai kya

phulon se dosti ka maza hum se puchhiye

pahchan kar bhi wo hamein pahchante nahin

danista be-ruKHi ka maza hum se puchhiye

jo ghar jala hai chashm-e-'inayat se aap ki

is ghar ki raushni ka maza hum se puchhiye

phirte the 'mir' KHwar koi puchhta na tha

ab ‘ishq-o-‘ashiqi ka maza hum se puchhiye

danish-kadon mein jehl-e-murakkab ka shor-o-shar

is daur-e-agahi ka maza hum se puchhiye

wo kya bataenge jinhen dariya nasib hai

'bahzad' tishnagi ka maza hum se puchhiye