بے بسی کے دور میں کیا مسکرانا چھوڑ دیں

بے بسی کے دور میں کیا مسکرانا چھوڑ دیں

تم نہیں آئے تو ہم سجدے میں آنا چھوڑ دیں

آندھیوں کا رخ ہماری اور ہے بے شک رہے

یہ نہیں ہوگا کہ ہم دیپک جلانا چھوڑ دیں

ہم نے اپنی آستینوں کو کھلا رہنے دیا

اب ہمارے سانپ بھی تو پھسپھسانا چھوڑ دیں

یہ نہیں ہوگا بھلے ہی جنگ چھڑ جائے ابھی

ہم کسی کے خوف سے کھانا کمانا چھوڑ دیں

ہم زمانہ سے خفا ہیں اس کا یہ مطلب نہیں

آپ کے ہاتھوں میں ہم سارا زمانا چھوڑ دیں

دشمنی یاری میں بدلی ہے ہماری آج ہی

ہم تمہیں کیوں آج سے ہی آزمانا چھوڑ دیں