bebasi ke daur mein kya muskurana chhoD den

bebasī ke daur meñ kyā muskurānā chhoḌ deñ

tum nahīñ aa.e to ham sajde meñ aanā chhoḌ deñ

āñdhiyoñ kā ruḳh hamārī or hai be-shak rahe

ye nahīñ hogā ki ham dīpak jalānā chhoḌ deñ

ham ne apnī āstīnoñ ko khulā rahne diyā

ab hamāre saañp bhī to phusphusānā chhoḌ deñ

ye nahīñ hogā bhale hī jang chhiḌ jaa.e abhī

ham kisī ke ḳhauf se khānā kamānā chhoḌ deñ

ham zamāne se ḳhafā haiñ is kā ye matlab nahīñ

aap ke hāthoñ meñ ham saarā zamānā chhoḌ deñ

dushmanī yaarī meñ badlī hai hamārī aaj hī

ham tumheñ kyoñ aaj se hī āzmānā chhoḌ deñ

bebasi ke daur mein kya muskurana chhoD den

tum nahin aae to hum sajde mein aana chhoD den

aandhiyon ka ruKH hamari or hai be-shak rahe

ye nahin hoga ki hum dipak jalana chhoD den

hum ne apni aastinon ko khula rahne diya

ab hamare sanp bhi to phusphusana chhoD den

ye nahin hoga bhale hi jang chhiD jae abhi

hum kisi ke KHauf se khana kamana chhoD den

hum zamane se KHafa hain is ka ye matlab nahin

aap ke hathon mein hum sara zamana chhoD den

dushmani yari mein badli hai hamari aaj hi

hum tumhein kyon aaj se hi aazmana chhoD den