bechaargi ke nam kabhi bebasi ke nam

bechārgī ke naam kabhī bebasī ke naam

ilzām sab hī aa.e mirī ḳhāmushī ke naam

har ik qadam pe khaa.e haiñ maiñ ne ka.ī fareb

kuchh sādgī ke naam to kuchh dostī ke saath

kyā zindagī thī karb ke lamhāt ke sivā

kuchh raushnī ke naam the kuchh tīrgī ke naam

kāġhaz meñ jazb ho ga.e palkoñ se gir ke jo

vo ashk bhejtā huuñ tirī be-ruḳhī ke naam

'sājid' rah-e-vafā meñ milī mujh ko talḳhiyāñ

dil kī lagī ke naam kabhī dil-lagī ke naam

bechaargi ke nam kabhi bebasi ke nam

ilzam sab hi aae meri KHamushi ke nam

har ek qadam pe khae hain main ne kai fareb

kuchh sadgi ke nam to kuchh dosti ke sath

kya zindagi thi karb ke lamhat ke siwa

kuchh raushni ke nam the kuchh tirgi ke nam

kaghaz mein jazb ho gae palkon se gir ke jo

wo ashk bhejta hun teri be-ruKHi ke nam

'sajid' rah-e-wafa mein mili mujh ko talKHiyan

dil ki lagi ke nam kabhi dil-lagi ke nam