bechain ye dil hai tere didar ki KHatir

bechain ye dil hai tire dīdār kī ḳhātir

Thukrā diyā duniyā ko tire pyaar kī ḳhātir

āñkhoñ meñ hai dam hasrat-e-dīdār kī ḳhātir

kuchh der ko aa jā.iye bīmār kī ḳhātir

jab tāj-mahal ban gayā kaTvā.e ga.e haath

ik shaah ne kī yuuñ fan-e-me.amār kī ḳhātir

ham jaan bhī de deñ jo ishāra ho udhar se

manzūr har ik zulm hai dildār kī ḳhātir

qismat mirī kuTiyā kī jagā jaa.eñ kisī din

āñkheñ haiñ bichā.ī huī sarkār kī ḳhātir

ham tishna-ba-lab sāhil-e-dariyā se chale aa.e

ye karb bhī jhelā dil-e-ḳhuddār kī ḳhātir

mehnat bhī mashaqqat bhī karūñ kyoñ na 'vafā' maiñ

hai farz mirā apne parivār kī ḳhātir

bechain ye dil hai tere didar ki KHatir

Thukra diya duniya ko tere pyar ki KHatir

aankhon mein hai dam hasrat-e-didar ki KHatir

kuchh der ko aa jaiye bimar ki KHatir

jab taj-mahal ban gaya kaTwae gae hath

ek shah ne ki yun fan-e-meamar ki KHatir

hum jaan bhi de den jo ishaara ho udhar se

manzur har ek zulm hai dildar ki KHatir

qismat meri kuTiya ki jaga jaen kisi din

aankhen hain bichai hui sarkar ki KHatir

hum tishna-ba-lab sahil-e-dariya se chale aae

ye karb bhi jhela dil-e-KHuddar ki KHatir

mehnat bhi mashaqqat bhi karun kyon na 'wafa' main

hai farz mera apne pariwar ki KHatir