bechainiyon ke rang sawalon mein bhar gae

bechainiyoñ ke rañg savāloñ meñ bhar ga.e

manzil se pūchhtā huuñ ki raste kidhar ga.e

dil ko nichoḌā itnā ki ehsās mar ga.e

ḳhud ko bigāḌ kar tujhe ham paar kar ga.e

mujh ko udaas dekhā jo milne ke baad bhī

vo apne dil kā dard batāne se Dar ga.e

pūnam kī shab kā chāñd jo khiḌkī pe aa gayā

kamre meñ mere yādoñ ke gesū bikhar ga.e

sāhil kī qaid meñ kahīñ jaltī hai ik nadī

mere ḳhayāl ret ke dariyā meñ mar ga.e

vīrāniyoñ ko apnā muqaddar samajh liyā

saare fareb sah ke vo chup meñ utar ga.e

mahtāb par nahīñ hai havā bhī sukūn bhī

sannāTā dil meñ bharne ko ham kyoñ udhar ga.e

bechainiyon ke rang sawalon mein bhar gae

manzil se puchhta hun ki raste kidhar gae

dil ko nichoDa itna ki ehsas mar gae

KHud ko bigaD kar tujhe hum par kar gae

mujh ko udas dekha jo milne ke baad bhi

wo apne dil ka dard batane se Dar gae

punam ki shab ka chand jo khiDki pe aa gaya

kamre mein mere yaadon ke gesu bikhar gae

sahil ki qaid mein kahin jalti hai ek nadi

mere KHayal ret ke dariya mein mar gae

viraniyon ko apna muqaddar samajh liya

sare fareb sah ke wo chup mein utar gae

mahtab par nahin hai hawa bhi sukun bhi

sannaTa dil mein bharne ko hum kyon udhar gae