begana-e-wafa tera shewa hi aur hai
begāna-e-vafā tirā sheva hī aur hai
ahl-e-vafā kā taur-tarīqa hī aur hai
dair o haram kī raah meñ rakhte nahīñ qadam
ham rah-ravān-e-shauq kā rasta hī aur hai
dil bevafā ke haath na bechegā bā-vafā
tum se nahīñ banegā ye saudā hī aur hai
allāh dil na tum ko taḌaptā huā dikhā.e
dekhā na jā.egā ye tamāshā hī aur hai
jalva-farosh aap haiñ maiñ dil-farosh huuñ
aisoñ se kyā banegā ye saudā hī aur hai
TukḌe haiñ dil jigar ke 'mubārak' ki sher haiñ
ġhazloñ kā aap kī to safīna hī aur hai
begana-e-wafa tera shewa hi aur hai
ahl-e-wafa ka taur-tariqa hi aur hai
dair o haram ki rah mein rakhte nahin qadam
hum rah-rawan-e-shauq ka rasta hi aur hai
dil bewafa ke hath na bechega ba-wafa
tum se nahin banega ye sauda hi aur hai
allah dil na tum ko taDapta hua dikhae
dekha na jaega ye tamasha hi aur hai
jalwa-farosh aap hain main dil-farosh hun
aison se kya banega ye sauda hi aur hai
TukDe hain dil jigar ke 'mubarak' ki sher hain
ghazlon ka aap ki to safina hi aur hai
- Book : intekhaab-e-kalaam (Pg. 32)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
