begana-war humse yagana badal gaya

begāna-vār ham se yagāna badal gayā

kaisī chalī havā ki zamāna badal gayā

āñkheñ bhī dekhtī haiñ zamāne ke rañg-Dhañg

dil bhī samajh rahā hai zamāna badal gayā

badlā na thā zamāna agar tum na badle the

jab tum badal ga.e to zamāna badal gayā

un ko dilā.īñ yaad jab aglī ināyateñ

vo bhī ye kah uThe ki zamāna badal gayā

bas ek ai 'vafā' mire miTne kī der thī

mujh ko miTā chukā to zamāna badal gayā

begana-war hum se yagana badal gaya

kaisi chali hawa ki zamana badal gaya

aankhen bhi dekhti hain zamane ke rang-Dhang

dil bhi samajh raha hai zamana badal gaya

badla na tha zamana agar tum na badle the

jab tum badal gae to zamana badal gaya

un ko dilain yaad jab agli inayaten

wo bhi ye kah uThe ki zamana badal gaya

bas ek ai 'wafa' mere miTne ki der thi

mujh ko miTa chuka to zamana badal gaya