sitam bhi karta hai us ka sila bhi deta hai

sitam bhī kartā hai us kā sila bhī detā hai

ki mere haal pe vo muskurā bhī detā hai

shanāvaroñ ko usī ne Dubo diyā shāyad

jo Dūbtoñ ko kināre lagā bhī detā hai

yahī sukūt yahī dasht-e-jāñ kā sannāTā

jo sunñā chāhe koī to sadā bhī detā hai

ajiib kūcha-e-qātil kī rasm hai ki yahāñ

jo qatl kartā hai vo ḳhūñ-bahā bhī detā hai

vo kaun hai ki jalātā hai dil meñ sham-e-umīd

phir apne haath se us ko bujhā bhī detā hai

vo kaun hai ki banātā hai naqsh paanī par

to pattharoñ kī lakīreñ miTā bhī detā hai

vo kaun hai ki jo bantā hai raah meñ dīvār

aur us ke ba.ad na.ī rah dikhā bhī detā hai

vo kaun hai ki dikhātā hai rañg rañg ke ḳhvāb

añdherī rātoñ meñ lekin jagā bhī detā hai

vo kaun hai ki ġhamoñ se navāztā hai mujhe

ġhamoñ ko sahne kā phir hausla bhī detā hai

mujhī se koī chhupātā hai rāz-e-ġham sar-e-shām

mujhī ko āḳhir-e-shab phir batā bhī detā hai

sitam bhi karta hai us ka sila bhi deta hai

ki mere haal pe wo muskura bhi deta hai

shanawaron ko usi ne Dubo diya shayad

jo Dubton ko kinare laga bhi deta hai

yahi sukut yahi dasht-e-jaan ka sannaTa

jo sunna chahe koi to sada bhi deta hai

ajib kucha-e-qatil ki rasm hai ki yahan

jo qatl karta hai wo KHun-baha bhi deta hai

wo kaun hai ki jalata hai dil mein sham-e-umid

phir apne hath se us ko bujha bhi deta hai

wo kaun hai ki banata hai naqsh pani par

to pattharon ki lakiren miTa bhi deta hai

wo kaun hai ki jo banta hai rah mein diwar

aur us ke baad nai rah dikha bhi deta hai

wo kaun hai ki dikhata hai rang rang ke KHwab

andheri raaton mein lekin jaga bhi deta hai

wo kaun hai ki ghamon se nawazta hai mujhe

ghamon ko sahne ka phir hausla bhi deta hai

mujhi se koi chhupata hai raaz-e-gham sar-e-sham

mujhi ko aaKHir-e-shab phir bata bhi deta hai