behtar se behtarin ki jaanib hum aa gae

behtar se behtarīn kī jānib ham aa ga.e

jab ḳhud pe hī yaqīn kī jānib ham aa ga.e

dil meñ purānī yaad kī chalne lagī havā

kyoñ terī sarzamīn kī jānib ham aa ga.e

duniyā se khelne kā na jab hausla rahā

duniyā ko chhoḌ diin kī jānib ham aa ga.e

dushman ho sāmne to hai āsān mārnā

lekin ab āstīn kī jānib ham aa ga.e

anjām muflisī hai agar muflisī sahī

'sābir' the sābirīn kī jānib ham aa ga.e

behtar se behtarin ki jaanib hum aa gae

jab KHud pe hi yaqin ki jaanib hum aa gae

dil mein purani yaad ki chalne lagi hawa

kyon teri sarzamin ki jaanib hum aa gae

duniya se khelne ka na jab hausla raha

duniya ko chhoD din ki jaanib hum aa gae

dushman ho samne to hai aasan marna

lekin ab aastin ki jaanib hum aa gae

anjam muflisi hai agar muflisi sahi

'sabir' the sabirin ki jaanib hum aa gae