bekali dard mein shamil kabhi aisi to na thi
bekalī dard meñ shāmil kabhī aisī to na thī
tab.a-e-parvāna-e-mahfil kabhī aisī to na thī
aql gum-karda-e-manzil kabhī aisī to na thī
zindagī meñ koī mushkil kabhī aisī to na thī
manzil-e-ishq meñ kuchh mere junūñ se pahle
azmat-e-lailā-e-mahmil kabhī aisī to na thī
inqilābāt-e-zamāna kā karam hai varna
baat karnī hameñ mushkil kabhī aisī to na thī
kār-farmā na thā jab daur-e-siyāsat ai dost
maslahat juzv-e-marāhil kabhī aisī to na thī
itne pur-haul na the aql-o-junūñ ke jhagḌe
ziist barham-kun-e-mahfil kabhī aisī to na thī
bekali dard mein shamil kabhi aisi to na thi
taba-e-parwana-e-mahfil kabhi aisi to na thi
aql gum-karda-e-manzil kabhi aisi to na thi
zindagi mein koi mushkil kabhi aisi to na thi
manzil-e-ishq mein kuchh mere junun se pahle
azmat-e-laila-e-mahmil kabhi aisi to na thi
inqilabaat-e-zamana ka karam hai warna
baat karni hamein mushkil kabhi aisi to na thi
kar-farma na tha jab daur-e-siyasat ai dost
maslahat juzw-e-marahil kabhi aisi to na thi
itne pur-haul na the aql-o-junun ke jhagDe
zist barham-kun-e-mahfil kabhi aisi to na thi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
